Zein da zure etxeko txoko kaotikoena? Norena da gela edo espazio hori? Norbaitena da edo guztiek erabiltzen duzue? Ondorengo egoeretatik bateon bat ezaguna egiten zaizu👇🏽👇🏽👇🏽?
- Etxeko espazio asko elkarbanatzen dituzue (armairuak, gelak, apalak, objetuak…) eta ez dago argi norena den zer
- Ondorioz, espazio/objetu asko ahazturik daude
- Etxearen zaintzaren karga zuk daramazu bereziki, eta honek, batzuetan, gaindituta eta frustratuta sentiarazten zaitu.
- Gustoko duzu maite dituzun pertsonak zaintzea, eta behar badute, ez zaizu axola zurea elkarbanatzea. Baina, ez dituzte beti zure ondasunak zuk nahi bezala zaintzen.
- Norberak bere gauzak ditu baina zureak denenak dira.
Esaldi hauetatik bateon batekin identifikatu zara? Besteren bat bururatzen zaizu?
Nire esperientzia pertsonalean eta KonMari™Kontsultore gisa, ohartu naiz inorenak ez diren objetuak gutxiago zaintzen direla. Are gehiago, maiz alboratuak eta ahaztuak gelditzen dira. Beste kasu batzuetan pertsona bakarra arduratzen da guztia zaindu eta gauza bakoitza non dagoen jakiteaz. Jarrera hau, ordea, karga pisutsu eta mingarria bihurtu daiteke.
Horregatik, ezinbestekoa iruditzen zait espazio komunaren eta espazio pertsonalaren arteko oreka mantentzea. Izan ere, normalean lehenengoa bestearen gainetik jartzen da.
Hau ondasunekin eta elkarbanatzen ditugun espazio fisikoekin gertatu ohi da, baina baita gertu ditugun pertsonekin ere. Ziur nago milaka adibide topa ditzazkezula, baina bateon bat aipatzeagatik, jar dezagun familia-nukleoan, zure bikotearekin edo lagun minen artean erabaki garrantzitsu bat hartu behar duzuela. Nola erantzuten duzu normalean? Zenbatetan alboratu dituzu zure beharrak «guztion ongizatea»ren izenean? Ala edozein kasutan zuk nahi duzuna nahi duzun moduan egitea gustoko duen horietakoa zara? Gertatzen zaizu inguru batzuetan normalean zu zarela zure nahiak alboratzen dituena, eta besteetan, gainontzekoen gainetik jartzen zarela?
Erantzuna erantzun, geldi, ez epaitu zure burua. Kontestu ezberdinetan betetzen dugun papera ez da egoera absolutu bat, kasu gehienetan gainera ez gara egiten ari garenaz konturatzen eta ez dugu gaiztakeriaz egiten. Presentzia handia behar da ondokoa ez inbaditu edo zure burua inbaditzen ez uzteko.
Hori dela eta, espazio ezberdinak orekatutak dauden guneak altxor bat iruditzen zaizkit.
Pertsona bakoitzak ordenatzeko era bakar eta personala dauka. Harremanetan gertatzen den moduan, ezinbestekoa da orijinaltasun hori errespetatzea. Are gehiago, ordenatzeko era zehatz bat inposatzea kaltegarria izaten da, erresistentzia eta haserrea sortzen baititu. Aldiz, espazio/objetu pertsonalak zehazteak zure beharren arabera antolatu eta garatzeko aukera emango dizu.
Halere, honekin ez dut esan nahi etxeko objetu guztiak banatu behar dituzuenik, ez da beharrezkoa guztia batena edo bestearena izatea. Baina ziur nago norberaren objetu pertsonalak eta komunak identifikatutak badituzuela arazo asko ekidin edo konpontzeko balioko dizuela.
Espero dut horrela gatazkak minimizatzeko aukera izango duzuela eta erabakiak hartu, adostasunak topatu eta etxearen zein bertan bizi zaretenon antolaketa eta zaintzaz kontziente izaten lagunduko dizuela.
Besarkada bat