Zure burua aurkezteko eskatuko banizu, nola sentituko zinake? Gai izango zinake zure burua lerro batzuetan deskribatzeko? Gertatu al zaizu inoiz aurkezpen gutun bat edo zure sareetarako “niri buruz” atala idatzi behar izatea?
Urte hauetan zehar, bai lanagatik baita nire proiektu pertsonalagatik ere, behin baino gehiagotan egokitu zait nire burua aurkeztu behar izatea. Zalantzarik gabe hau izaten da niretzat une zail, eta aldi berean, unkigarrienetako bat. Izan ere, nire burua aurkezten dudan bakoitzean, gainean daramadan kapa ikusezin bat kenduko banu bezala sentitzen dut.
Horregatik, nire ustez KonMari™ Metodoak zerbait interesgarria badu, zure burua ezagutzeko ematen dizun aukera da. Zure ondasun guztiak parean dituzula, banaka-banaka berriskuten jartzen zarenean, nahi eta nahiez barruan daramazunarekin bat egingo duzu. Iragana eta etorkizuna ahaztu gabe, orainean kokatu eta zure esentziarekin konektatuko duzu.
Zure aukeren arabera nor zaren eta nora joan nahi duzun jakingo duzu. Zure arropak pertsona alaia, zorrotza, aldakorra, klasikoa, sofistikatua, rokeroa, dibertigarria edo dena delakoa zarela adierazten baitu. Berdin zure etxeko apalategian dauden liburuek. Eta zeresanik ez komono eta sentimenduzko objektuek.
Jakina da pertsona guztiok izaera bat baino gehiago dugula, bereziki nabarmena da hilerokoa dugun pertsonen kasuan (Enara Iruretagoienaren viviendoenciclico.com eta Erika Irustaren soy1soy4.com proiektuak ikustea gomendatzen dizut). Nire bezeroekin lanean nabilenean izaera guzti horien zantzuak antzemateko aukera izan dut. Batzuetan oso argi, eta sotilago besteetan, izaera guzti horiek norberaren desio, amets, irrika, muga, nortasun eta berezitasunak azaleratzen dituzte. Bakar eta berezia egiten gaituen guztia alegia.
Pribilegiatua sentitzen naiz beraiekin batera hau guztia bizitzeko aukera dudalako. Hemendik nire esker ona adierazi nahi dizuet bide hau zuekin batera egiteko aukera eman didazuen guztioi.
Baina norbaitentzat interesgarria bada ezagutza hori guztia, zuretzat dela esango nuke. Ba al dago zure buruari egin diezaiokezun opari hoberik? Zure burua ezagutzeak bakarrik emango dizu muga guztiak gainditu eta benetan zoriontsua egiten zaituen hori topatzeko aukera. Brené Brownek “El poder de la vulnerabilidad” hitzaldian (ez baduzu ikusi izugarri gomendatzen dizut) aipatzen duen bezala, zeure buruarekin eta ingurukoekin benetako konexioa egiteko aukera bakarra egiazkoa (“autentico”) izatea da. Eta egiazkoa izateko ezinbestekoa da zure burua sakonki ezagutzea.
Esentzia home joy zerbitzuak ezagutza bide hori modu arin eta sakonean egiten lagunduko dizu. Nire desioa bide horretan zure bidelagun izatea da, errespetuz, konparaketa eta eparik gabe zure esentzia topatu eta hazten lagundu nahi zaitut. Interesa baduzu jar zaitez nirekin harremanetan, inolako konpromezurik gabe zure zalantza guztiak argituko dizkizut.
Besarkada bat
Sara